انا انسانه

انا الي صبرت على قلبي

ممسكش ف يوم ولد إيدي

انا الي سندت على خدي..سنين

ومحدش جه طلب إيدي

انا الي رفضت عين جارنا

لحد ماجارنا شاف غيري

قعدت بحسره في الضلمه

اعدد للقمر خيري

اسئل مرايتي ياقمر 
على رقصي

واسئله عن ضحكتي 

وعن همسي

وعن ريحة الاكل
من نفسي

وعن شغل البيت وتنضيفه

و لون شعري الي خبيته

 وقلبي الي ناوي لما يحب

يخلي الي حبيته

اسد

اسد...جوا عرين بيته

انا انسانه
من لحم ودم زييهم
عندي...احلى مافيهم
ليه؟..يفرقني ايه عنهم؟
أيه؟...أبين جسمي قدامهم

لو الايام هتدبحني
هعيش ورده... متفتحتش
لان الشمس نار والعه
مفيش ورده متحرقتش
غيري أنا !!!